Աշխատանքային խումբը մշակելու է ԶՈՒ-ի վերակազմավորման տեսլականը

Կառավարության այսօրվա նիստում վարչապետ Նիկոլ Փաշինյանը հայտարարել է, որ պատրաստվում է որոշում ստորագրել աշխատանքային խմբի ձևավորման մասին: Խումբը, որը ղեկավարելու է պաշտպանության նախարարը, զբաղվելու է զինված ուժերի վերակազմավորման տեսլականի ճանապարհային քարտեզի մշակմամբ:

Փաշինյանն ընդգծել է, որ այդ գործընթացում Հայաստանը մտադիր է առավել սերտ համագործակցություն հաստատել անվտանգության ոլորտում թիվ մեկ գործընկերոջ` Ռուսաստանի Դաշնության հետ:

Վարչապետը վստահություն է հայտնել, որ գործընթացի արդյունքում այդ համագործակցությունն անվտանգության, ռազմական համագործակցության և ռազմատեխնիկական բնագավառներում առավել արդյունավետ է դառնալու: