The Guardian. Լոնդոնում 13-ամյա երեխա է մահացել կորոնավիրուսից. ուղեկցող հիվանդություններ չուներ
Հաղորդվում է, որ դեռահասը մահացել է հոսպիտալացումից և ախտորոշումից մոտ 1 շաբաթ անց: Նա Միացյալ Թագավորությունում SARS-CoV-2 կորոնավիրուսի ամենաերիտասարդ զոհն էր:
Մեծ Բրիտանիայում կորոնավիրուսով վարակված 13-ամյա դեռահաս է մահացել: Երեխան չի ունեցել այլ՝ հիմնական ախտորոշման հետ կապ չունեցող հիվանդություններ, իսկ հիվանդանոց տեղափոխվել է նախորդ հինգշաբթի օրը:
Դեռահասի ընտանիքը պատմել է, որ երեխայի մոտ ախտանշաններ են ի հայտ եկել, սկսել է դժվարությամբ շնչել և հոսպիտալացվել է Լոնդոնի արքայական քոլեջի հիվանդանոցում: Այնտեղ նրան արհեստական շնչառության սարք են միացրել, ապա՝ կոմայի մեջ գցել: Դիահերձման պատասխանը հարազատներն այսօր պիտի ստանան:
Հաղորդվում է, որ երեխան՝ Լոնդոնի հարավում բնակվող Իսմայիլ Մուհամեդ Աբդուլվահաբը, Միացյալ Թագավորությունում Covid-19-ի ամենաերիտասարդ զոհն է: Երկրում կորոնավիրուսից արդեն 1789 մարդ է մահացել: Բացի այդ` Մեծ Բրիտանիան համաճարակից ամենատուժած երկրների տասնյակում է՝ 25 վարակվածներով զբաղեցնում է 7-րդ հորիզոնականը:
Ռեդինգի համալսարանի դոկտոր Սայմոն Կլարկը նշել է, որ թեև կորոնավիրուսից ավելի շատ տարեցներն են մահանում, սակայն երիտասարդները նույնպես պաշտպանված չեն: Նրա խոսքով՝ դա վկայում է, որ պետք է լրջորեն վերաբերվել առողջապահական ծառայությունների հորդորներին, մնալ տանը, լվանալ ձեռքերը և հեռու մնալ այլ մարդկանցից: Գիտնականն ընդգծել է, որ այդ դեպքը պետք է հիշեցնի, որ տնային մեկուսացումը կարող է պահպանել երեխայի կամ թոռնիկի կյանքը:
Գիտնականների խոսքով՝ անհրաժեշտ է հետազոտություն իրականացնել` հասկանալու, թե ինչու են Covid-19-ից մահացությունների մի մասը տեղի ունենում ռիսկային գոտուց (70-ից բարձր տարիքի մարդիկ) դուրս: Նրանք հավանական են համարում, որ դա կարող է պայմանավորված լինել գենետիկ նախահակվածությամբ և նրանով, թե ինչպես է տվյալ անձի իմունային համակարգն արձագանքում վարակին:
Վերջին տվյալների համաձայն՝ SARS-CoV-2-ը տարածվել է առնվազն 180 երկրում: Աշխարհում գրանցվել է 880 հազարից ավելի վարակվածություն, 42 հազարից ավելի մահվան դեպք: Չինաստանը, որտեղ բռնկվել էր համաճարակը, արդեն հայտարարել է դրա ավարտի մասին և վերադառնում է սովորական կյանքի: Պանդեմիայի «թատերաբեմ» են դարձել ԱՄՆ-ը և Եվրոպան: Իտալիայում շուրջ 12,4 հազար մարդ է մահացել (Չինաստանից մոտ 4 անգամ շատ), իսկ Միացյալ Նահանգներում ամենաշատ վարակվածներն են՝ 188592:
Օքսֆորդի համալսարանի գիտնականների կողմից կատարված մոդելավորումն ավելի վաղ ցույց էր տվել, որ Մեծ Բրիտանիայի բնակչության գրեթե կեսը կարող է վարակվել կորոնավիրուսով: Վարակվել են նաև իշխանության ներկայացուցիչներ. թագուհու ավագ որդին՝ արքայազն Չարլզը (հաղորդվել է նրա առողջացման մասին) և վարչապետ Բորիս Ջոնսոնը:
Telegram 
Facebook 
Google News NASA-ի Parker Solar Probe սարքի տվյալներով գիտնականները պարզել են, որ արևային քամու մագնիսական տատանումների պտույտի ուղղությունը փոխվում է՝ կախված դիտարկվող մասշտաբից։ Արդյունքն օգնում է հասկանալ տիեզերական պլազմայի տուրբուլենտ վարքը և կարող է օգտակար լինել տիեզերական եղանակի մոդելավորման համար։
Ֆիզիկոսների տեսական հաշվարկները ցույց են տվել, որ լույսի քվանտային տատանումները կարող են փոխել ատոմներից արձակվող էլեկտրոնների ազդանշանը։ Այդ փոփոխությունը չափման մեջ կարող է երևալ որպես մի քանի տասնյակ ատտովայրկյանի լրացուցիչ ուշացում՝ լույսի հատկությունները հետազոտելու նոր հնարավորություն տալով։
Գերմանիայի Հելֆտա թագավորական նստավայրի պեղումներում հայտնաբերվել է X դարի քարե շենք՝ նկուղով և լավ պահպանված մուտքի աստիճաններով։ Դրա նշանակությունը դեռ պարզ չէ․ հնագետները քննարկում են հյուրատան կամ նստավայրի կառավարչի տան վարկածները։
Հայաստանի առողջապահության նախարարությունը պայմանական թույլտվություն է տվել ամերիկյան Agenus ընկերության Botvymo և Evamplix դեղամիջոցների համատեղ կիրառմանը՝ աղիների քաղցկեղի որոշակի տեսակի բուժման համար։ Ընկերության հաղորդմամբ՝ սա երկու դեղամիջոցների առաջին պաշտոնական գրանցումն է աշխարհում։
Գիտնականներն ուսումնասիրել են Սուրբ Հեղինե կղզում ապրող Ջոնաթան հսկա կրիայի գենոմն ու գեների ակտիվությունը կարգավորող քիմիական նշումները։ Ըստ գնահատականների՝ 194 տարեկան կենդանու մոտ հայտնաբերված որոշ առանձնահատկություններ կարող են առնչվել նրա երկարակեցությանը, սակայն այդ կապը դեռ ապացուցված չէ։
Էկվադորի Ամազոնիայում հայտնաբերված Taczanowskia waska սարդի մարմնի ելուստները սնկային գոյացություններ են հիշեցնում։ Հետազոտողների վարկածով՝ այդ նմանությունը կարող է օգնել նրան խուսափել գիշատիչներից կամ աննկատ որսալ։
Wildberries-ը Հայաստանում գործարկել է WB Taxi տաքսի ծառայությունը։ Առաջին փուլում ծառայությունը վաղ հասանելիության ռեժիմով աշխատում է Երևանում և հասանելի է ընկերության աշխատակիցների ու գործընկերների համար, սակայն նախատեսվում է աստիճանաբար ընդլայնել օգտատերերի շրջանակը։
Lockheed Martin-ը Տեխասի Ֆորտ Ուերթ քաղաքում պաշտոնապես ներկայացրել է Գերմանիայի համար կառուցված առաջին F-35A Lightning II կործանիչը՝ «35+01» համարով։ Ինքնաթիռն իր առաջին թռիչքն իրականացրել էր սեպտեմբերի 8-ին։ Գերմանիան ընդհանուր առմամբ պատվիրել է 35 F-35A, որոնք աստիճանաբար փոխարինելու են երկրի հնացող Tornado ինքնաթիռներին։
Մի ինքնաթիռի հետևում երկար սպիտակ գիծ է ձգվում, իսկ մյուսի հետևում երկինքը մնում է պարզ։ Այս տարբերությունը պայմանավորված է օդի վիճակով և շարժիչների աշխատանքով, ոչ թե ինքնին ապացուցում է «թունավոր նյութերի ցրում»։
Դուք փորձել եք գրել արգելված արտահայտություն կամ արգելափակվել եք հաճախակի խախտումների պատճառով։
Հասկացա
Ձեր մեկնաբանությունում ինչ-որ բան կասկածելի է թվացել, ուստի հրապարակումից առաջ այն կանցնի մոդերացիա։
Հասկացա
Մենք անպայման կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կայքի կանոնների խախտումների պատճառով ձեր հաշվի նկատմամբ սահմանափակումներ են կիրառվել։ Եթե սա սխալ է, գրեք մեզ։
Հասկացա
Մեր զտիչները ձեր գործողություններում նկատել են արհեստական ակտիվության նշաններ։ Մի փոքր ընդմիջեք և վերադարձեք ավելի ուշ։
Հասկացա
Վերջին մեկնաբանությունները