Բոսֆորի նեղուցում ռուսական և թուրքական նավեր են բախվել
Նախնական տվյալներով՝ նեղուցում բեռնատար նավերի բախման պատճառը թուրքական լաստանավի ղեկային կառավարման համակարգի խափանումն է:
Թուրքական աղբյուրների հաղորդմամբ՝ Բոսֆորի նեղուցում բախվել են ռուսական «Ռուսիչ-10» և թուրքական «Թահսին Իմամօղլու» բեռնատար նավերը: Ինչպես նշվում է, ռուսական 128 մետրանոց լաստանավը Բուրսա նահանգի Գեմլիքի շրջանից վերադառնալիս է եղել դեպի Ռուսաստան: Թուրքական 90 մետրանոց նավը Քոջաելի նահանգից շարժվելիս է եղել դեպի Սև ծովի ափին գտնվող Կարադենիզ Էրեղլի նավահանգիստ:
Հաղորդվում է, որ բախման հետևանքով տուժածներ չկան. նավերն են միայն վնասվածքներ ստացել: Դեպքի վայր են մեկնել ցամաքային պահպանության երեք նավակներ և քարշակող 14 նավ:
Նախնական տվյալներով՝ Սև ծովի և Միջերկրական ծովի միախառնման հատվածում գտնվող նեղուցում նավերի բախման պատճառը թուրքական լաստանավի ղեկային կառավարման համակարգի խափանումն է:
Դուք գրել եք արգելված արտահայտություն կամ արգելափակվել եք կրկնվող խախտումների համար։
Հասկացա
Մեկնաբանությունը կասկածելի է թվացել, ուստի հրապարակումից առաջ կստուգվի։
ՀասկացաՄենք կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կանոնների խախտման պատճառով հաշիվը սահմանափակվել է։ Եթե սխալ է՝ գրեք մեզ։
Հասկացա
Վերջին մեկնաբանությունները