«Վերցրեք իմ մեդալները, չեմ ուզում Ադրբեջանում ապրել». ադրբեջանցի վետերանը գանգատվում է
Արցախի դեմ Ադրբեջանի ձեռնարկած պատերազմի մասնակից ադրբեջանցի վետերանները շարունակում են դժգոհել իշխանություններից. նրանք ծայրահեղ աղքատության մեջ են, սակայն պետությունից ոչ մի աջակցություն չեն ստացել:
Ադրբեջանցի վետերան Նաիդ Մամմեդովը հայտարարել է, որ իշխանություններն իրեն տրամադրել են միայն մեդալներ, դիպլոմներ, և ոչինչ ավելի, և հարցրել է. «կարո՞ղ եմ դրանք ուտել»:
Նրա խոսքով` զորահավաք է հայտարարվել, ինքը կամավոր մասնակցել է, հանուն հայրենիքի, սակայն իշխանություններն իր համար ոչինչ չեն արել, ոչ մի «կոպեկ» չեն տվել պատերազմից վերադառնալուց հետո: Նաիդը նշել է, որ չի կարող վճարել ոչ էլեկտրականության, ոչ գազի համար:
Ադրբեջանցին նաև հայտնել է, որ ամեն օր մի վետերան է դիմում ինքնասպանության` տարբեր մեթոդներով վերջ տալով կյանքին:
Վետերանը պատրաստակամություն է հայտնել վերադարձնել բոլոր մեդալները, դրա դիմաց պահանջելով գումար` Ադրբեջանը լքելու համար, քանի որ այլևս չի կարողանում ապրել այդ երկրում:
Նաիդը նաև շեշտել է, որ երկրում նավթի ու գազի առատ պաշարներ կան, սակայն իրենից գազի ու էլեկտրականության վճար են պահանջում, չնայած որ «մարդիկ սոված են»:
Մեկնաբանությունները