Քոչարյանի վերաբերյալ որոշումը կհրապարակվի սեպտեմբերի 17-ին

Այսօր կայացավ Սահմանադրական կարգի տապալման մեջ մեղադրվող Ռոբերտ Քոչարյանի և 3 բարձրաստիճան պաշտոնյաների գործով դատական նիստը:

Նորություններ

# Դատարաններ

# Մարտի 1

# Ռոբերտ Քոչարյան

Ռոբերտ Քոչարյանը` դատական նիստերի դահլիճում / ©shantnews.am / Հեղինակ՝ անհայտ, լուսանկարը տրամադրել է օգտատերը

Այսօր Երևանի ընդհանուր իրավասության դատարանում (Շենգավիթի) կայացավ Սահմանադրական կարգի տապալման մեջ մեղադրվող, ՀՀ երկրորդ նախագահ Ռոբերտ Քոչարյանի և նարձրաստիճան մյուս պաշտոնյաների գործով դատական նիստ: Դատավոր Աննա Դանիբեկյանին ինքնաբացարկի միջնորդություն կողմերը չեն ներկայացրել:

Սահմանադրական դատարանի կողմից հրապարակված եզրակացությունից հետո սա առաջին նիստն էր, որտեղ քննվում էր նաև Քոչարյանի պաշտպանների միջնորդությունը՝ երկրորդ նախագահի ազատ արձակման պահանջով: Նիստին մասնակցում էին նաև Սեյրան Օհանյանը, Արմեն Գևորգյանը, մարտի 1-ի իրադարձությունների հետևանքով զոհվածների իրավահաջորդները:

Մարտի 1-ի գործով մեղադրյալ Ռոբերտ Քոչարյանի՝ կալանքից ազատելու միջնորդության վերաբերյալ դատարանը որոշում այսօր չի հրապարակել: Դատավոր Աննա Դանիբեկյանը նիստը փակված է հայտարարել՝ հաջորդը նշանակելով սեպտեմբերի 17-ին, ժամը 13:00-ին:

Վրիպա՞կ գտաք։ Նշեք հատվածը և սեղմեք Ctrl + Enter։