Վլադիմիր Պուտինի խոսքով՝ Լեռնային Ղարաբաղում տեղի ունեցած ռազմական բախումները հանգեցրել են մարդկային բազմաթիվ զոհերի, էլ ավելի են սրել Անդրկովկասի՝ առանց այդ էլ բարդ իրավիճակը՝ ահագնացնելով ահաբեկչական վտանգի տարածման ռիսկերը:
Հայտնի երգչուհի, Հանրապետական կուսակցության նախկին պատգամավոր Շուշան Պետրոսյանին բերման ենթարկելու պատճառը, ըստ տեղեկությունների, խանութներից մեկում 56-ամյա կնոջը հարվածելն է:
Մեծ Շենից Հին Շեն տանող ճանապարհը 4 օր փակված է եղել ադրբեջանական ուժերի կողմից: Վերջիններս փորձել են մուտք գործել նաև գյուղ, որի բնակիչ-կամավորները բանակցել են, ինչի արդյունքում ադրբեջանցիները հետ են քաշվել: Արցախի հանրային ՀԸ-ն ռեպորտաժ է ներկայացրել:
Գոդ Նիսանովը, որը մեզ առավել հայտնի է որպես մոսկովյան «Ֆուդ Սիթիի» սեփականատեր, պարզվում է՝ մտերիմ հարաբերություններ ունի ՌԴ արտաքին հետախուզության ծառայության ղեկավար Նարիշկինի, Ալիևի դուստր Լեյլայի և այլ անձանց հետ:
Հայաստանում Իրանի դեսպան Ա.Բ.Զոհուրին շեշտել է. «Հզոր և հարուստ Հայաստանը պարծանք է հարևան երկրի համար»: Նա վստահություն է հայտնել, որ այսուհետ Հայաստանի և Իրանի հարաբերություններն ավելի կզարգանան:
Կան տեղեկություններ, որ գերեվարվածները մոտ 150-ն են, հիմնականում՝ Շիրակի մարզի տեղական ինքնակառավարման մարմինների ղեկավարներ, դպրոցի տնօրեններ: Նրանք Խծաբերդի մոտ 3 օր շրջափակման մեջ են եղել:
Համարվում է, որ փաստացի ռուս խաղաղապահներն Էրդողանի արտաքին քաղաքական հավակնությունների գերին են: Եթե Ռուսաստանը չի կարող Լեռնային Ղարաբաղում մշտական խոշոր զորախումբ ունենալ, ապա հնչում է առաջարկ. «խաղաղապահ առաքելության անձնակազմը հասցնել նվազագույնի՝ թողնելով միայն դիտորդներին»:
Թե ինչ տեսակի թմրամիջոց են օգտագործել Լեռնային Ղարաբաղում կռված վարձկանները, հայտնի չէ: Հավանական է համարվում, որ թուրք զինվորականները նրանց կարող էին տրամադրած լինել այնպիսի միջոցներ, որոնք կիրառվում են ռազմական գերտերությունների բանակներում:
Ադրբեջանցիները փակել էին Հին Շեն և Մեծ Շեն գյուղերը կապող ճանապարհը: Բանակցությունների արդյունքում ռուս խաղաղապահները հսկիչ-անցագրային կետ են տեղադրել գյուղում՝ բնակիչների անվտանգությունն ապահովելու նպատակով:
Ձերբակալված ադրբեջանցի զինծառայողներն անարգել են Զանգելանում զոհված հայ զինծառայողների մարմինները, Մարտունու շրջանում կոտրել են գերեզմանաքարերը, նկարել վանդալիզմի դրսևորումները և տեղադրել սոցցանցերում: Ադրբեջանի գլխավոր դատախազությունը «ցավ է հայտնել նման դեպքերի համար»:
Երևանում բնակվող կանադացի լրագրող Նիլ Հաուերի տեղեկություններով՝ Ռուսաստանն առաջիկա մեկ-երկու շաբաթների ընթացքում պատրաստվում է ռուսական անձնագրեր տրամադրել Լեռնային Ղարաբաղի բնակիչներին:
Փորձագետների համոզմամբ՝ Արևմուտքը վաղուց է «արձակել» Թուրքիային. այն վերածվել է տարածաշրջանային և կրոնական ինքնուրույն կենտրոնի, կայսերական գաղափարների հզոր աղբյուրի, ընդ որում՝ արևմտյան արժեքներին ակնհայտորեն հակասող: Այս հարցում մեղավոր է համարվում հենց Արևմուտքը:
Արցախի ՊԲ հաղորդմամբ՝ դեկտեմբերի 11-ին՝ ժամը 20:40-ի սահմաններում, ՊԲ հարավային ուղղությամբ տեղակայված մարտական դիրքերից մեկի ուղղությամբ հակառակորդը ձեռնարկել է հարձակման փորձ: Փոխհրաձգության հետևանքով հրազենային վիրավորումներ ստացած պահեստազորայինների կյանքին վտանգ չի սպառնում:
Իրանում Թուրքիայի դեսպանին խնդրել են՝ Էրդողանին փոխանցի, որ կայսրությունների և նվաճումների դարաշրջանը վաղուց ավարտվել է: Միաժամանակ, հասարակական շրջանակները և մի շարք իրանական ԶԼՄ-ներ պահանջում են բոյկոտել թուրքական և ադրբեջանական ապրանքները:
Իրանի ԱԳ նախարարը դիվանագիտական ապտակ է հասցրել Թուրքիայի նախագահին՝ նշելով. «Էրդողանին չեն տեղեկացրել, որ Բաքվում նրա ասածները վերաբերում են Իրանական հայրենիքից բռնի ուժով առանձնացված այն տարածքներին, որոնք գտնվում են Արաքսից հյուսիս»:
ՌԴ ԱԳՆ-ն արձագանքել է Էրդողանի հայտարարությանը. խնդիրն այն է, որ Էնվեր փաշայի ստեղծած բանակը 1918թ. մտավ Բաքու, ապա՝ Մախաչկալա՝ Հյուսիսային Կովկասի ժողովուրդներին աջակցելու: Համարվում է, որ Թուրքիայի նախագահի շեշտադրումը մարտահրավեր է ոչ միայն Հայաստանի, այլև Պուտինի ու Ռուսաստանի համար:
Արցախի աշխատանքի, սոցիալական և բնակարանային հարցերի նախարար Մանե Թանդիլյանը հայտնել է, որ իրենց բնակարանները կորցրած մոտ 40 հազար արցախցիների համար անհրաժեշտ է 8-10 հազար նոր բնակարան:
Ադրբեջանից դեպի Ռուսաստան արտահանվող ապրանքների շարքում 50%-ից ավելին լոլիկն ու խնձորն են, որոնք մեծ եկամուտներ են ապահովում ադրբեջանցի առևտրականներին ու գործարարներին:
Ենթադրվում է, որ նմանատիպ որոշում կայացվել է այն բանից հետո, երբ Ադրբեջանը հավակնություններ է ցուցաբերել Սյունիքի մարզի հայկական տարածքների նկատմամբ:
Մեկնաբանություններ