ԵԱՏՄ ինստիտուտի տնօրենի խոսքով` հայկական կողմը դեռ պատերազմի ժամանակ կարող էր պնդել 102-րդ ռազմաբազայի ուժերի տեղափոխում Սյունիք, սակայն դա չի արել` «շրջագայությունների մեկնելով Արևմուտք»: Սակայն Արցախի անվտանգության երաշխավորն այժմ Մոսկվան է, որը, նրա պնդմամբ, տարեկան 10 մլրդ եվրո է ծախսելու այդ նպատակով:

Ադրբեջանական նավթային պետական ընկերությունը` SOCAR-ը, հայտարարել է, որ Դաշլի կղզում տեղի ունեցած պայթյունը կապված չէ նավթարդյունահանման հետ: Հավանական պատճառ է նշվել կեղտային հրաբխի ժայթքումը: Հրդեհի մարման աշխատանքները դեռ շարունակվում են:

ԵՄ-ն շուրջ 1,5 մլրդ եվրո կհատկացնի Հայաստանում հինգ ուղենշային ծրագրերի իրականացման համար: Թիրախային խմբերն են` մանր ու միջին ձեռնարկություններ, Հյուսիս-Հարավ ծրագիր, թվային վերափոխում, գիտություն, տեխնիկա, նորարարություն, Սյունիքի մարզ և կանաչ Երևան:

Ստանիսլավ Զասը հայտարարել է, որ Հայաստանի և Ադրբեջանի միջև իրավիճակի սրումը «սահմանային միջադեպ է և չի համապատասխանում հավաքական պաշտպանության վերաբերյալ ՀԱՊԿ կանոնադրության դրույթներին»:

Իսահակյան գյուղում արձանագրվել է 6 գլուխ խոշոր և նույնքան էլ մանր եղջերավոր անասունների անկում: 7 քաղաքացի տեղափոխվել է հիվանդանոց: Նրանց այս պահին նորմալ է: Հիշեցնենք, որ 2 օր առաջ սիբիրյան խոց էր հայտնաբերվել նաև Գեղարքունիքի մարզում:

Թուրքիան ՆԱՏՕ-ի առաջին անդամ-պետությունն է, որը հայտնվել է այդ ցուցակում: Պատճառն Անկարայի կողմից այսպես կոչված «Սուլթան Մուրադի դիվիզիա» ահաբեկչական խմբավորմանը ցուցաբերվող աջակցությունն է, որի շարքերում կռվում են նաև երեխաներ:

Ռուբեն Մարգարյանը շեշտում է, որ իրավիճակը լարված է պահում հայ ռազմագերիների հարցը: Չնայած նրան, որ նոյեմբերի 9-ի Հայտարարությունում հստակ նշված է բոլոր ռազմագերիների և պահվող այլ անձանց անհապաղ վերադարձի պարտավորության մասին, Բաքուն չի իրականացնում այդ կետը և ցուցադրաբար դատական գործընթացներ է իրականացնում նրանց նկատմամբ:

Հյուսիս-հարավ միջազգային տրանսպորտային միջանցքով (INSTC) պատմության մեջ առաջին անգամ տարանցիկ բեռնափոխադրում է իրականացվել: Այն անցնում է Ռուսաստանով, Ադրբեջանով ու Իրանով:

ՌԴ նախագահի խոսքով` «ոչ Հայաստանը, ոչ Ադրբեջանը, ոչ էլ Լեռնային Ղարաբաղի բնակիչները շահագրգռված չեն հակամարտության շարունակմամբ»:

Ռուդոլֆ Ջուլիանին, ով ներկայումս Թրամփի փաստաբանն է, մեղադրվում է ԱՄՆ-ի 45-րդ նախագահի վարչակազմում Թուրքիայի օգտին լոբբինգ իրականացնելու մեջ:

Երևանում հունիսի 29-ին մեկնարկել է Հայաստան-Իրան բիզնես ֆորումը, որի շրջանակներում գործարարներն առևտրային կապերի ամրապնդման բանակցություններ են սկսել: Ֆորումում ներկայացված են իրանական 10 և հայկական 40 ընկերություններ:

Սակայն չի նշվում, թե հատկապես որ կողմի փախստականների ու տեղահանվածների վերադարձի մասին է խոսվել. հայերի` Լեռնային Ղարաբաղի հարակից տարածքնե՞ր վերադարձի, թե՞ ադրբեջանցիների` Լեռնային Ղարաբաղ «վերադարձի»:

Ակնկալվում է, որ ավիացիոն ընդհանուր տարածությունն Ուկրաինայի և Հայաստանի քաղաքացիների համար ավելի շատ հնարավորություններ կապահովի դեպի Եվրամիություն թռիչքների համար, ինչպես նաև կնպաստի ավիափոխադրումների շուկայի մրցունակության բարձրացմանը, ինչն էլ, ի վերջո, կնվազեցնի տոմսերի արժեքը:

Արցախի Պաշտպանության բանակի նախկին հրամանատար Սամվել Բաբայանն ուշագրավ հայտարարություն է արել Հայաստանում ռուսական «5-րդ շարասյան» գործունեության մասին: Նրա խոսքով` առաջարկով իրեն է մոտեցել Գառնիկ Իսագուլյանը, ով աշխատում է «5-րդ շարասյան» համար, նաև սպասարկում է տարբեր շրջանակների, այդ թվում` քոչարյանա-սերժական շահերը:

«Մուստաֆա Քեմալ Աթաթուրք-2021» անունը կրող վարժանքները կանցկացվեն Բաքվում` հունիսի 28-30-ը: Դրանց մասնակցում են շուրջ 600 զինծառայողներ, մոտ 40 տանկեր, այլ զրահատեխնիկա, հրետանային զինատեսակներ, նռնականետեր, 7 միավոր ռազմատրանսպորտային ուղղաթիռներ, տարբեր նշանակության 3 անօդաչու թռչող սարքեր և այլն:

ԵԱՏՄ ինստիտուտի տնօրենի խոսքով` Մոսկվան չունի Կովկասի և Կենտրոնական Ասիայի դեմ թուրքական վտանգավոր էքսպանսիային դիմագրավելու հստակ և խիստ դիրքորոշում:

Վլադիմիր Ռուժանսկին համոզված է, որ Հայաստանին վերաբերող բոլոր հարցերում Ռուսաստանը լրջագույն զիջումների է գնում: Թուրքիայի հետ մտերմացումը ձեռնտու է ռուսական էլիտայի այնպիսի կարկառուն ներկայացուցիչների համար, ինչպիսիք են Արազ Աղալարովը, Գոդ Նիսանովը, Զախար Ալիևը և այլն: Սակայն Թուրքիան, պատմաբանի խոսքով, «շատ վտանգավոր թշնամի է»:

Հավանական է համարվում, որ խոսքը «Կովկասյան արծիվ» զորավարժության մասին է, որին այս տարի Վրաստանի փոխարեն կմասնակցի Պակիստանը:

Հայաստանում Իրանի դեսպանության մշակույթի խորհրդականը հայտարարել է, որ բարձրագույն կրթություն ունեցող մարդկանց, գիտնականների, գիտակրթական և գիտահետազոտական կենտրոնների, այդ թվում՝ արևելագիտության և իրանագիտության հայաստանյան դպրոցների գործունեությունը շատ կարևոր դեր է խաղում հայ-իրանական հարաբերությունների զարգացման գործում:

Անօդաչու թռչող սարքերի արտադրության գործունեությունն իրականացնելու է «Արտեկ փովեր սիստեմա» ընկերությունը, որը Կառավարության որոշմամբ ներառվել է «Ալյանս» ազատ տնտեսական գոտու շահագործողների ռեեստրում: